ෆැන්ටසි කුසුම -

වසන්තය මග ඇරුණු ගසකට
හීනෙනුත් පෙනෙනවා පල වැල
කුරුල්ලෙක් වත් නොඑන අතු මත
මලක් පිපෙනා දවස විමසන
කොයිතරම් ගස් කොළං තිබුණද
හිස නමාගෙන හඩන පොළවට ..

තාරුකා එළි කියා රැවටුණ
කණ මැදිරි හුලු අතු දවාගෙන
නිම්යන්යයි කියා පසු කළ
කඳු වුණත් කොයි තරම් මිහිරිද?

පැලුනු පොලවට හිස තියාගෙන
දරුණු කලුගල් සැතපිලා ඇත
ඒ යටින් උණු ලේ නිවා ගෙන
සිහිල් දහරක් ගලා යන තැන
උණුසුම්ම ඒ පොළෝ කුහරයෙ
ක්ෂේම නිම්නයෙ පිපෙන්නට හැකි
මලක් වේ නම් ඒ නුඹම මිස
අන් කෙනෙක් නම් දුටුවෙ නැහැ මම..

උදා හිරු සේ උදැසනකදී
සොමි ගුණෙන් ඔද වෙමින් රැයකදි
හදවතේ දුක හුදකලා කොට
අනේ ඇත්තට හිනා වුණ හැටි..!!

ආදරෙයි ඕයි !!!
සුබ ගමන් ...!!!

- උපේක්ෂා නුවන්ශීනි -